من حقي مدونة أسرة كتضمن لي المساواة
أهلا، اليوم غدي نتكلمو على مدونة الأسرة . من حقي كبنت أو مرأة تحكمني قوانين ما فيها فرزيات بين البنت والولد أو بين المرأة و الرجل، إإذا خص قانون الأسرة أي مدونة الأسرة، تضمن العدل والمساواة بين الأب و الأم و بين البنت و الولد، من حقي مدونة تحطني فنس المرتبة دالرجل و تعترف بالمركز ديالي فوسط العائلة. ياك اليوم المراة في المغرب وصلات لأعلى المراتب و بينات بانها قادة على المسؤولية و شحال د العائلات مسيراهم و كتصرف عليهم امراة أو كتكون البنت هي لي خدامة على واليديها و على خوتها الأولاد.
ياك الدستور و المواثيق الدولية لي مصادق عليها المغرب ضامنة لي نفس الحقوق و الواجبات بحالي بحال الراجل. اليوم جات الفرصة باش يكون تغيير شامل د المدونة لأن مجتمعنا تغير و تطور و ما عندو علاقة بالوضع لي كان عليه شحال هادي. إوا اش كتسناي، نوضي دوي على حقك و حق بنت وحق أختك و حق كل مغربية في قانون منصف د الأسرة .
