أهلاً ! اليوم غدي نتكلموعلى حق كل فتاة وامرأة في السلامة و الأمان. من حقك تعيشي بسلامة، و بلا خوف من العنف، سواء كان جسديًا، أو نفسيًا، أو جنسيًا. من حقك السلامة في أي بلاصة كنتي، سواء فدارأو في الخدمة أو برا في الأماكن العامة. العنف لي كتعاني منو البنت أو المرأة عندو عدة أشكال : مثلا العنف الأسري، أو التحرش الجنسي أو الإغتصاب أو الإعتداء في الوسط العئلي أو المدرسة أو في الشارع، ودبا ولا التحرش الإلكتروني بالهاتف أوالواتساب و غيرو من وسائل التواصل الإجتماعي. هاذا كلو عنف كيتنتهك حقك في السلامة والأمان.
كاينة قوانين في العديد من الدول وحتى في المغرب كتحمي المرأة من العنف. و الدولة دارت مصالح للتبليغ عن العنف و بعض الجمعيات النسائية عندها مراكز للإستماع باش تساعد البنات و النساء ضحايا العنف. إذا كنتِ ضحية د العنف، خصك بسرعة: اتصلي بالشرطة أولا. ثم بمركز الإستماع و مساعدة ضحايا العنف باش يدعموك نفسيا وقانونيا. طلبي المساعدة من الصديقات و الأصدقاء والعائلة. أنتِي ماشي بوحديك. اليوم فالمغرب، كاين لي يستمع لك ويساعدك.
كل بنت أو امرأة من حقها تشعر بالأمان في حياتها اليومية. إلا كانتِ عندك قصة أو تجربة، يمكن لك تشاركيها معنا في التعليقات، في الأخير، خصنا نحافظو جميع على سلامة البنات و النساء في بلادنا. ما تنساوش تقاسمو هاد الحلقة و إلى اللقاء.
